Hjólamenn héldu sína árlegu vor tímatökukeppni á Krýsuvíkurvegi í kvöld.  Sólin skein og yljaði mönnum þrátt fyrir kalda golu að norðan.

Eftir 20 km keppni stóð Hákon Hrafn, 3SH uppi sem sigurvegari í opnum flokki karla á tímanum 28:18 og besta tíma kvenna, 31:06, náði Birna Björnsdóttir, 3SH.

Boðið var upp á léttar veitingar í Ásvallalaug að keppni lokinni, þar sem hægt var að gæða sér á Capri-Sonne og Corny frá Innnes og snúðum frá Reyni bakara.

Að lokum vilja Hjólamenn þakka starfsmönnum kærlega fyrir, en þeir voru:  Gunnlaugur Jónasson, Haukur Eggertsson, Árni Guðlaugsson, Sigurður Haraldsson, Örn Sigurðsson, Einar Stefán Kristinsson og Guðný Katrín Einarsdóttir.

Úrslit eru svo hér.

Hér að neðan er hægt að sjá startröðina fyrir vortímatökuna.

Fyrsta keppanda verður startað út kl. 19 og svo aðrir keppendur koll af kolli með eins mínútna millibili.

Hjólamenn halda 3. bikar - tímatökukeppni miðvikudaginn 16. maí kl. 19 á Krýsuvíkurvegi.

Lýsing leiðar:

Hjólaðir verða „hefðbundnir" 20 km á Krýsuvíkurvegi. Startað verður til suðurs frá Bláfjallaafleggjara og snúið við á keilu, hjólað norður að hringtorgi, snúið við í suður og hjólað aftur upp að keilu, snúið við og hjólað í mark. Samtals 1 1/2 hringur.

Flokkar:
Keppt verður í eftirfarandi flokkum, bæði í karla og kvennaflokki:

16 ára og yngri

17-18 ára

19-29 ára

30-39 ára

40-49 ára

50 ára og eldri

Miðað er við fæðingarár viðkomandi keppanda.

Hjólamenn áskilja sér rétt til að fella niður flokka eða sameina ef þáttaka reynist ekki næg.

Skráning:

Skráningu er lokið.

Afhending rásnúmera/verðlaunaafhending:

Afhending rásnúmera fer fram í Ásvallalaug 2. hæð milli kl. 18 og 18:30 á keppnisdag.  Verðlaunaafhending fer einnig fram í Ásvallalaug þar sem boðið verður upp á léttar veitingar að lokinni keppni.

Startröð:

Startröð verður birt á vefsíðu Hjólamanna þriðjudagskvöldið 15. maí.  Ef þáttaka verður mikil áskilja Hjólamenn sér rétt til að flýta startinu svo að keppninni ljúki ekki of seint.  Tilkynning þess efnis verður þá sett inn á heimasíðu Hjólamanna þriðjudagskvöldið 15. maí.

Annað:

Þeim tilmælum er beint til keppenda að þeir leggji bifreiðum sínum við Ásvallalaug

Keppendur eru á eigin ábyrgð í keppnum á vegum Hjólamanna.

Keppendur eru minntir á að virða almennar umferðarreglur.

Hjálmaskylda er í öllum keppnum á vegum Hjólamanna.